《Re:從零開始的異世界生活》（日語：Re:ゼロから始める異世界生活）係長月達平所作嘅日本輕小說作品，插圖由大塚真一郎繪畫，到目前為止已經出版咗本篇18冊、短篇集3冊以及外傳3冊。

由於《Re:從零開始的異世界生活》呢部作品相當受歡迎，所以早喺2016年4月3日起經已喺東京電視台、AT-X、Animax同埋巴哈姆特動畫瘋等平台上播放首季TV動畫，而喺今年3月23日，官方再一次公布好消息，就係《Re:從零開始的異世界生活》第二季動畫製作決定！

第二季動畫PV預告影片可以見到昂穿過屍橫遍野嘅草原，面對「魔女」嘅場景，相信第二季內容就可以知道「魔女」嘅真身！