唔知大家睇左Marvel隊長未？對於隊長貝兒·娜森(Brie Larson)的表現又滿唔滿意呢？據知Brie Larson套戲未上就已經得罪成村人，不過電影上映後近期復仇者聯盟4的預告入面，見到佢又變返靚女迷倒雷神，佢的人氣好似又再次回升返。Netflix作為串流平台暫時的一哥，當然識得玩，即時買入Captain Marvel加上Nick Fury局長共同主演的一部舊作喜劇電影《UnicornStore 獨角獸之店》，這部作品由貝兒·娜森(Brie Larson)自導自演，係2016年拍攝成，並在2017年多倫多影展出現過，然後沉底後被Netflix收購，將於4月5日上架。

電影的兩位角色熟口熟面，當Captain Marvel和Nick Fury做返平常人搞黑色幽默，電影會變成點？可能是先入為主，尤其是局長Nick Fury即真人叫森姆·積遜(Samuel L. Jackson)，無論點睇佢都係異能三入面的癲佬，彩色版的神盾局局長，正正經經絕對睇唔慣。

故事劇情較為老套，講述Brie Larson飾演的女主角Kit熱愛美術但風格怪異同人唔同結果不被賞識，對未來人生感到挫折迷茫之際，收到一封神秘信件，獲邀去到一間能買得到任何東西的古怪商店。由Samuel L. Jackson飾演的爆炸頭sales，答應可以為佢達成夢想中的獨角獸，但Kit先要展現她的決心和誠意。Kit因此有可能夢想成真…..

應該來講是一部勵志電影，如果她不是Captain Marvel，他不是Nick Fury，仲有無人關注呢部電影呢？睇下先啦…可能你就是真心喜歡的人呢！4月5日唔駛錢上Netflix睇睇