{ SKIP }
文:MenClub 摯樂  圖:互聯網
POSTED ON 04 Apr 2019
【Netflix佳作】《小鎮滋味》第三季愈做愈好的黑色爆笑喪屍劇

近來唔知大家追開咩野劇集,Netflix除左對上一部科幻動漫短篇劇《愛·死·機械人》受全球熱捧外,其實仲有好多唔同的電影和劇集上映,不過近來個人最喜歡和推薦Netflix 原創恐怖喜劇《小鎮滋味》(Santa Clarita Diet)第三季,如果大家都有追開呢部作品,自然就要人睇埋啦,此作可謂愈拍愈好睇一季比一季進步呢!如果你未睇過就係時候趕四月多假期煲一煲佢,好好笑又好編排,除了血腥外劇情趣味俱佳,係近年多到爛的喪屍片中的難得清泉。

《小鎮滋味》(Santa Clarita Diet)當然唔係咩野新作,其實已經出到第3季,睇完三季依劇情論肯定有第4季,而呢個作品的第三季剛於上週 3 月 29 日上左架,一煲就停唔到!

 

由頭簡介一下《小鎮滋味》(Santa Clarita Diet)故事講Drew Barrymore)飾演的Sheila和Timothy Olyphant飾演的Joel本來是一對住係美國小鎮仔裡的一般夫妻,佢地有個女艾比,一起住係加洲一個叫加州聖塔克拉利塔的郊區,有日老婆忽然一夜變喪屍,需要吃人屍生存,於是呢個改變讓他們逐步邁向死亡與毀滅。後來當然慢慢掌握到生存必要的新方式,就係Joel和Sheila兩公婆同個女艾比一起殺人除壞人,將鎮上的衰人當晚餐。講到呢到大家都知一定會有血腥的場面,呢套野除了血腥恐怖呢點你要接受到外,其他的笑料劇情都係一絕,絕對唔會悶,無里頭得來有度過,係好高質的喜劇一部。

 

拍到第三季完全沒有其他美劇一季不如一季的缺乏,而且明顯愈戰愈勇,第三季比第二同第一季更有趣幽默,故事也隨住新的角色和新的事件出現更具劇力。呢一季面對更多新挑戰,包括個鎮愈死愈多人引來更大調查,追溯喪屍起源又要繼續希望可以阻止它擴散,佢地的女兒同鄰居男仔又要為想保護媽媽想加入殺喪屍的組織,總之線路分叉得來充滿爆笑。

《小鎮滋味》演員陣容包括茱·芭莉摩(Drew Barrymore)、《火線警探》(Justified)的男主角添姆菲·奧芬(Timothy Olyphant)、(Marvel's Inhumans)的Liv Hewson以及《蜘蛛俠:驚世現新》的Skyler Gisondo等等,未睇真係要試睇一下!

 

 

 

《小鎮滋味》第三季全十集已於 2019 年3月29日上架。

如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025
Christopher Nolan嘅下一部大作《Odyssey》星光熠熠,單單係Matt Damon、Tom Holland、Anne Hathaway、Zendaya等演員名單就已經夠吸引大家入場。但除咗電影公佈嘅首張劇照確認Matt Damon會出演主角奧德修斯(Odysseu ...
hobby
【影視】Nolan《Odyssey》角色名單曝露 荷蘭仔、麥迪文演父子 Zendaya飾雅典娜
17 Mar 2025