4月1號日本宣佈新年號，將會係5月1日新任日本天皇上任後改朝換代，國家年號由「平成」轉為「令和」，幾日間引起熱烈討論，不過最驚喜的當數日本字體藝術家「野村一晟」（Issei Nomura）的年號新作，由「平成」一詞平衡倒轉妙變「令和」的雙向美術字神作，實在驚為天人。不過大家都可能記得佢的前作，G1競艇大賽設計的「挑戰←→勝利」及「最強←→戰場」海報設計，今日佢又有新作絕不意外，但實在也要寫個服字！

野村一晟最新的翻轉年號新作將年號平衡反轉再反轉「平成←→令和」，一秒即轉，絕無違和，可說是藝術字設計的極緻

呢位字體藝術家野村一晟唔講唔知，原來佢係一間高中擔任美術老師，他特別擅長設計「正面、倒轉」皆有意義的漢字，作品已多次在網上爆紅，最初他是憑著2017年一款雙向美術字雕塑創作「陰←→陽」在日本爆紅，佢當時寫出一套「陽」，但陽光下陰影部份可以展現「陰」字，。設計相當奇特有趣有禪意。

後來佢對上一次爆紅而紅到去香港應該是他為「全日本王者決定戰」G1競艇大賽設計的「挑戰←→勝利」及「最強←→戰場」海報，一套海報內露玄機，無論點轉都可以，去年網絡瘋傳，可能大家都仲有印象。

對於呢位大師的設計，絕對要寫一萬得「服」字！