仲有1日，大家就可以唔訓覺等天光衝入戲院睇驚天地泣鬼神的世紀巨作, 《復仇者聯盟：終局之戰》，當你以為睇完終局之戰可以為十年的Marvel第三階段來個了結，唔好意思，Marvel的Kevin Feige同大家講，非也，Endgame非Endgame，第三階段的最後一部作品一個時代的終結來自蜘蛛俠：決戰千里。睇來Marvel對復仇者聯盟滿懷信心已經開始為7月的下一波宣傳做勢。

最近的《復仇者聯盟：終局之戰》全球大宣傳，中國上海當然是重要一站，除左有蟻俠講中文外，上海宣傳活動最重要的是Marvel的Kevin Feige講出驚人的消息，就係原來Marvel電影作的第三階段最後一個故事不是大家所想的《復仇者聯盟：終局之戰》（Avengers: Endgame）。

原來真正MCU電影宇宙第三階段的最後一個故事是蜘蛛俠：決戰千里（Spider-Man: Far From Home）！

《復仇者聯盟：終局之戰》雖然為今年的世紀大電影，對於MCU的電影宇宙好可能有決定性的重要改變，不過真真正正承先啟後的將會是蜘蛛俠，要等到7月決戰千里上映，大家才能睇到第三階段的真正完結。當年Marvel的第二階段也是以《蟻人》（Ant-Man）作為結束的，所以 諗諗下都好合理。

不過MCU 係會繼續發展，正如不知不覺原來已經第三階段，我從來都無理會過第一同第二階段。再加上Marvel可以為左宣傳，亂講一D完全無用的說話，為的是在媒體中開多個post，大家都唔駛點理佢，今晚早少少訓，聽朝倒塔咁早起身去睇Endgame就無錯！

蜘蛛俠：決戰千里（Spider-Man: Far From Home）！預計在 2019 年 7 月 2 日上映