由堺雅人主演嘅日劇《半澤直樹》喺2013年播出之後，引起社會極大迴響，最終回仲以42.2%收視率創下平成民放日劇最高收視率紀錄，當時大家都認為《半澤直樹》係一套神劇，並期待快啲可以有續篇睇，不過傳咗咁多年，一直都未Confirm續篇嘅消息，等到一眾Fans心都淡埋……但Finally！官方終於確定《半澤直樹》日劇續篇將於2020年4月春季播出！實在太好喇！

《半澤直樹》係描寫於泡沫時期入行嘅銀行員半澤直樹，與銀行內外嘅「敵人」戰鬥嘅故事。《半澤直樹》最終回講到半澤直樹與高層大和田常務「對決」結果獲得勝利，正當大家以為半澤直樹會因此得到升遷機會嘅時候，結局竟然係半澤直樹被外調到其他分行，呢個結局雖然好現實但同時亦令觀眾大受衝擊，大家都希望有續篇睇睇半澤直樹之後嘅故事係點。

出年4月開播嘅《半澤直樹》續篇日劇，一樣由堺雅人飾演半澤直樹，內容方面會改編小說中「失落一代的反擊」以及「銀翼的伊卡洛斯」嘅部分，希望快啲再有更多關於《半澤直樹》日劇續篇嘅情報透露啦！