《賭博默示錄》（日語：賭博黙示録カイジ）係日本漫畫家福本伸行嘅作品，1996年開始喺講談社漫畫雜誌週刊Young Magazine上連載。《賭博默示錄》故事主角伊藤開司係一個冇固定工作同儲蓄嘅尼特族，一開始故事講述開司高中畢業後嚟到東京三年後嘅生活，佢嘅生活狀況極差，一直過着廉價嘅賭博生活。後來因為幫以前兼職同事古畑作保，但古畑卻棄債潛逃，於是開始同帝愛集團嘅孽緣。

《賭博默示錄》最終章據聞係作者福本伸行為電影完全原創嘅故事，演員方面，繼續由藤原龍也主演，另外仲加入福士蒼汰（飾演高倉浩介）、關水渚（飾演桐野加奈子）、新田真劍佑（飾演廣瀨湊）以及吉田鋼太郎（飾演黑崎義裕），不過關於劇情方面嘅資料就仲未公開。