【經典還原】全新重製4K版《Age of Empires 2 : Definitive Edition》即將推出

好多朋友的成長回憶中都一定有AOE的片段，唔好同我講你未玩過Age of Empires，無玩都應該聽過，上年微軟搞左個重製版的Age of Empires: Definitive Edition，唔理好唔好都有好多人衝去購買，因為回憶是無價。其實AOE的第二集同第三集比起第一集好玩太多，所以當知道有大幅翻新的《世紀帝國 2：決定版》好快就會推出，真係感到相當高興同期待，全新4K高清的畫質，經典聲效重新錄製，而加上據稱會加入全新文明，明知炒冷飯，都依然感到值得期待。AOE2預計將會係美國E3遊戲展正式亮相。如何回到當年………….

2018 年 2 月微軟推出《世紀帝國：決定版》，以初代《世紀帝國》為基礎，提供 4K 解析度、優化過往操作介面等，重新建構經典策略遊戲面貌。不過當時好多人反映遊戲好多Bug，破壞左好多人的回憶，不過好彩的是AOE一代並不算真正好玩，好多人真心期待的回憶實際上是AOE2甚至AOE3，可以預計都即將會登錄Steam平台上架，真心希望微軟做好少少先推出來！

今年肯定可以嘗到的回憶是AOE2的重製版Age of Empires 2: Definitive Edition，約返昔日的戰友，如果可以不如返去大學宿舍，搞返場全棟Hall男仔開門打AOE的盛況？