奇洛李維斯（Keanu Reeves）成為近期最人氣超級正氣巨星，在全球曝光率極高，一舉手一投足甚至比人講兩句都上哂新聞，繼早前超型殺神《John Wick：Chapter 3》後，奇洛又拍攝Saint Laurent時裝品牌，又驚喜現身遊戲《電馭叛客2077》內，又為《Toy Story 4》超爆全新角色勁爆公爵配音，最近又被Marvel總裁高吹「套套戲都有搵佢！」肯定MCU將預留一席比佢。再加上風度翩翩「禮儀之手」，真係邊個夠佢玩！！近期全球第一男神肯定是奇洛李維斯（Keanu Reeves）！

奇洛李維斯近期新聞多多難得全部正面好評，我們都唔再一單單講，一次過數哂出來，首先是「禮儀之手」，有網民們指出每次奇洛李維斯同女性合照時都會有hover hands，非常風度留有一手，相對好多過份親切的老外，唔掃背唔觸球唔擦身，君子到女子們都頂唔順想再埋DD。

當然這些都是虛名，最實際的是近期為《Toy Story 4》反斗奇兵4配音演出極具爆炸性，驚喜連連，讓人聽唔出這位超爆配音原來是奇洛李維斯，反斗奇兵7月11日先至係香港正式上映，但海外對這回新玩具角色勁爆公爵讚不絕口，可謂電影的祕密武器，勁爆公爵玩具肯定會一戰成名。

此外，Marvel電影公司總裁奇雲費格係出席Sony新片《蜘蛛俠：決戰千里》（Spider-Man: Far From Home）的倫敦記者會時，被人問到奇洛李維斯（Keanu Reeves）是否將會參演Marvel即將開拍新作《永恒族》（The Eternals）時，就無正面回答，但指出：「事實上，我們一直跟奇洛李維斯保持聯絡，幾乎每套電影都邀請他演出，例如2014年奇洛就曾為《奇異博士》試鏡，可惜最終未能成事」。他並指出將來肯定會有適合的角色讓奇洛加入成為Marvel大家庭的英雄一員。

可以肯定，呢一刻全球最紅最有人氣的係奇洛李維斯（Keanu Reeves），甚至有人話今年是奇洛李維斯年。