藍芽無線喇叭市場戰況激烈，要殺出重圍就必定要有特別的個人之處，睇準市場導向好重要，世上喇叭何奇多何必偏偏要買你，美國著名影音品牌JBL就認真唸過，其實最具消費力的是親子市場，買個無線喇叭比仔仔女女，出街聽英文又得，睡房播「訓覺」歌仔又得，真係好值得買比小朋友，最重要係三百幾蚊唔肉痛，加上媽媽們會舉手支持Tag返老公--「買」，其實男人想買的喇叭唔係呢D囉！！

JBL JR POP係一個一睇就知小朋友friendly的彩色喇叭仔，可以掛住係背囊，非常輕巧方便，加上堅固全防水，帶出街一流，多姿多彩的顏色比人非常夏天的感覺，呢點應該吸引到媽媽級的眼睛，成個造型係時尚繽紛，其實設計係幾年青，如果我返緊學我都有興趣當裝飾掛係背囊用。

JR POP 一共有6種顏色可供選擇，外殼採用TPU環保材料打造，非常耐用，符合歐盟環保認證，有一點比較特別，JBL的確是音響品牌，所以呢個喇叭仔雖然平，但音質實在是可以接受，聲音是非常之清晰，起碼唔會點拆聲，呢一點以售價：$329來講，是抵玩過你去淘寶一些不知名的藍芽喇叭好多。

呢三舊水擁有高規格防水級別 IPX7，就算你携帶JR POP 去泳池或海灘玩，也不用擔心被水濺到，甚至掉進水裹也無需擔心，可放心盡情享受音樂時光。不過提一提你，唔好太信廣告，佢唔怕水但我覺得佢怕沙的，小朋友將佢埋落沙堆再拿回家，我先話定你知、咁樣玩好可能要駛多三舊水。同埋唔怕水的產品永遠不代表佢唔怕海水的，我覺得這是防水產品唔會同你講的重點！

喇叭仔開關機都有燈光色彩，跟機有和喇叭同顏色的USB線，以 MicroUSB 充電，充電 2 小時就可以使用 5 小時。機身有關關制，燈制，藍芽連接制同大細聲制。喇叭仔細細只是3W功率所以唔會太食電，不過機仔細細聲音是夠大聲的。

其實如果家有小孩又或者想買個喇叭襯背囊我都覺得值得推薦！！