近日成日講電影小丑，但小丑其實唔係贏哂，起碼係多倫多電影節中小丑三甲不入，等我介紹另一部完全唔同的作品你睇下，今年多倫多電影節得獎的大作係打正旗號「反仇恨諷刺作品」（anti-hate satire）《陽光兔仔兵》(Jojo Rabbit)，由黑寡婦Scarlett Johansson配搭《雷神奇俠3：諸神黃昏》(Thor: Ragnarok)導演Taika Waititi創作的有趣喜劇，不過主角係童星小朋友，故事係以兒童視角出發，決心效忠納粹的小朋友發覺自己媽媽係屋企收埋左個猶太女仔？正在煩好無「篤灰」時，卻係相處當中逐漸改變自己對猶太人的態度，重新面對小孩子被「洗腦」的幼稚愛國情操。呢套電影成功將喜劇和兒童擺入納粹題材，通過納粹德國的過去重新提醒大家仇恨的禍害。

睇睇預告，作品有大牌明星Scarlett Johansson操德國口音做正義德國人，加上雷神奇俠3導演Taika Waititi自編自導仲自己做埋希特拉，但最出色的應該係故事創作，講述二戰時期的一個男孩Jojo Rabbit（Roman Griffin Davis飾）發現母親（Scarlett Johansson飾）在閣樓秘密地藏著一個猶太女孩（Thomasin McKenzie飾）。在他幻想出來的愚蠢朋友希特拉（Taika Waititi飾）的幫助下，他必須面對他幼稚的愛國情操。

故事以一種天真小孩世界觀同喜劇的方式呈現，導演Taika Waititi(即個位希特拉！)宣傳時話他覺得人類慣性懶惰，容易跌入倫理盲點，開始忘記戰爭、種族仇殺的恐怖和後果，我們或許仍會對二戰感到恐懼，卻未能意識到我們正開始步入重蹈覆轍的起點，所以，電影希望透過對二戰不同的呈現方式，重新提醒大家：仇恨係好危險。

《陽光兔仔兵》Jojo Rabbit 要到下年1月先至係香港正式上映，不過係今時今日的香港，要提醒自己仇恨唔應該助長，我們該當回到左膠大愛的平衡點，如果你發覺你身邊的朋友仔原來係警二代或者勇武前線魔法師，記住發揮人性的光輝，不「篤灰」不針對以愛相待，用膠力(喜劇)方式化解分歧，其實可能對方都好可愛