網絡媒體近年越黎越多，令資訊可以更容易流通，但同事規限卻較少，令假新聞等問題越演越烈，令人難以分清真假。「有見及此」，中國政府最近公佈一個全新嘅規定措施，可以進一步收緊網絡媒體有關嘅限制，特別係假消息傳播方面，從而令網民可以走回中國希望嘅政治方向。

中國國家互聯網信息辦公室文化和旅遊部，以及國家廣播電視總局較早前聯合發佈《網絡音視頻信息服務管理規定》，當中針對假新聞及訊息嘅製作及發佈作出更廣泛嘅限制，其中列明如果服務供應者及使用者利用AI人工智能及虛擬實景等技術，製作、發佈或傳播非真實嘅影片媒體，必須加上明顯標示。而對於假新聞，則嚴格禁止利用相關技術製作。

而除左以上嘅限制外，服務供應商需要按國家規定對多媒體資訊作出安全評估，搵出違法及不真實嘅多媒體資訊。另外，亦需要建立全面嘅闢謠機制。違規者則會按照法例處理，如果構成犯罪行爲，將會負上刑事責任。新規定將於明年1月1日起正式生效，當局表示，今次新增規定係要針對網絡人士，包括資訊訂閱、社交生活網站等平台嘅從業員，以及具有影響力嘅 KOL等，從而進行更進一步嘅思想政治引導。

其實中國方面嘅決定都唔難理解，佢地只係單方面想控制網上消息及資訊，令網上嘅方向對自己更有利及更容易控制人民。當然，人民只能夠被動接收國家批准可以流傳嘅訊息，所以來自其他聲音嘅消息絕對難以接收，而現在國家最新嘅限制收緊只會令情況變本加厲。

來源：中國互聯網信息辦公室