日清杯麵經常都會與不同嘅對象合作推出聯乘食品，而今次佢地就聯同漫畫家窪之內英策，以《海賊王》作為「HUNGRY DAYS」嘅主題，推出30秒有關「薇薇」嘅廣告。

今次Crossover合作，日清杯麵用上嘅故事係《海賊王》經典一幕：薇薇公主與路飛海賊團告別嘅一幕。不過，日清今次將故事放在一個校園中，講述薇薇公主即將要轉學，而佢回憶起當日與路飛一行人曾經經歷過開心嘅日子，最後更以經典全體舉手嘅動作道別作結，有趣嘅係佢地每個人手裡都拎住一個日清杯麵。

日清「HUNGRY DAYS」最早其實於2017年就已經展開，佢地會聯同日本一些經典作品，2好似《魔女宅急便》、《小天使》等推出一系列廣告，並於2018年推出了全系列嘅「最終回篇」。因此，今次「海賊王 薇蔽篇」係最新一輯嘅廣告，唔知大家睇完之後會唔會勾番起你《海賊王》中向薇薇公主道別嘅經典一幕呢？