作為世上最大的電玩遊戲發行平台Steam發行好多古古怪怪瘋狂有趣嘅小眾遊戲， 尤其係 「Simulator」一類，無限制創意模擬遊戲。近日網絡上就引爆一款全新的模擬遊戲叫《Cuckold Simulator》，如果中文直譯就係戴綠帽模擬器，無錯這是一款18禁成人遊戲，玩法簡單就係模擬玩家戴綠帽，在家偷窺妻子與其他人發生不倫關係。係家中不同場景躲藏例如衣櫃或角落頭，然後一邊見證奇怪的狀況，一邊匿埋飲古怪的綠色飲品。 據聞遊戲有中文， 如果佢有一個日本名嘅應該都係「夫目前犯エミュレーター」。

無錯，作為一個成人遊戲，其實都無咩野大不了，根據權威企業SOD的文本記載，呢種故事係情感的禁區中偶有出現，以市場導向的遊戲開發來講，呢個遊戲遲早都會出現。根據遊戲宣傳影片，遊戲場景除左睡房外，還有餐桌、客廳、甚至是戶外，讓你在任何角落都能體驗主題式綠帽情懷。 至於遊戲有冇結局， 要睇幾多場綠帽大戰先至爆機，就真係要推出個日先有人知道。

暫時坊間對呢個遊戲所知唔多，不過反應強烈，根據  Steam 發行往績，佢哋嘅模擬遊戲好多都好似眾籌活動咁樣有頭威無尾陣，最後無法順利上市。 不過好彩發行呢個遊戲嘅開發團隊曾經成功推出過另一隻小品遊戲《Owl Simulator》， 有成功嘅前科相信遊戲上架機會比較高。 嗰隻遊戲係只支援俄文，所以好有理由相信呢隻係戰鬥民族出品嘅遊戲。 可惜小小嘅係由於遊戲喺呢兩三日內受到重大嘅矚目，如今係 Steam官方網站無法再睇到相關上架訊息，遊戲原訂12月之內上架，為18禁成人遊戲。