喺我呢代人，每個男仔都一定睇過《足球小將》，踢波時亦一定大叫過「衝力射球」、「猛虎射球」。但若果你係一個《足球小將》Fans，有樣嘢你又可能真係冇做過，就係買佢嘅Figure——因為出過太少。最近「眼鏡廠」Banpresto的Grandista系列就推出咗隻大空翼景品！

Grandista系列以精準比例、精美細節見稱，遇上出名唔啱比例嘅《足球小將》就莫名地有趣。好在今次係用少年時代，仲著緊南葛波衫嘅大空翼做藍本，全高23.5公分，雖然都係苗條細身長腿，但比例符合原著都仲算係正常。塗裝亦保拎一貫Grandista水準，唯一比較可惜就係姿勢只係一個簡單握拳而非咩招牌招式，但正面啲睇就係叫簡潔啦！