Metal Robot魂已經先後推出來自《BB戰士三國傳 風雲豪傑篇》的劉備高達、曹操高達及孫權高達，咁三國君主都出哂，接下來好明顯就係出武將，咁你話有邊個武將有代表性得過關羽？

所以第四彈出嘅就係關羽高達啦！關羽高達嘅原型係ZZ高達，標誌性的頭部加農炮換成金光閃閃的頭冠，機甲亦換成紅綠色的盔甲，配上肩部與膝頭的金色長角，武器則有鬼牙龍月刀。關羽高達保持同系列前作的重金屬質感以及高可動性，即使拎住部大刀都可以擺出唔同甫士，更有專屬地台。售價為14000Yen，約HK$990，預計今年7月抽選發售。