玩法好簡單，只要輸入你的性別年齡等個人資料，再行埋個螢幕面前做測試，個螢幕就會好似「分類帽」咁計算出你嘅戰鬥力。

之後就可以做出「Kamehameha (龜波氣功)動作」，個螢幕又會因應你做嘅動作幅度同速度黎斷定你個波有幾勁！唔想一個打空炮咁空虛，仲可以搵人同你鬥波。

之後你出波條片仲會Upload埋上網，等你返屋企重溫自己嘅英姿。而每個參加者都會有返張「龜」字貼紙做紀念。