以前如果有人叫你睇班小朋友做戲，你一定會笑我，覺得只有兒童節目先會由一班年青人擔正，但近年睇過《怪奇物語》（Stranger Things）以及 《去X的世界末日》等青春神劇，打破左煲劇要煲星級演員的牌面效應，話你知又有套青春新劇面世，唔好咁快答我《不了》，呢套（I Am Not Okay With This）由《去X的世界末日》監製聯同《怪奇物語》製作人製作，講一個複雜無聊攣直未分的17歲少女的反叛故事，怪奇嘅係呢條友似乎有某種神奇怪力改變生活，Netflix全新劇作，走出街《不了》，煲劇《I Am Not Okay With This》！

又一套令人期待嘅Netflix新作品面世，老老實實 Netflix爛片一籮籮，但當中都有驚奇有趣的傑作，例如《怪奇物語》真係好怪，但又堅好多人都話係幾好睇，同類型的新創作又來一套，今次更多專注係我地的真實世界當中，不過都有怪奇的超能力原素加上青春期的少男少女？咩野係青春，我以前只會答咪一班友膠流流上天台大叫「青春呀呀呀！」而家世界唔同左，送外賣先會大叫，青春而家真係上得電視做到主角。

Netflix 原創劇作《不了》/或台譯《這樣不OK》（I Am Not Okay With This）發表正式預告，由《小丑回魂》少女Sophia Lillis主演，角色係最反叛青春期中，意外發現自己擁有與眾不同的神秘力量！《不了》改編自Charles Forsman的繪本小說，由《去X的世界末日》（The End of the F***ing World）監製暨導演強Jonathan Entwistle伙拍《怪奇物語》（Stranger Things）製作人Shawn Levy創作，主要係創作人讓人覺得作品有一定保證！

參與的演員仲有《小丑回魂》小男星Wyatt Oleff、電視劇《「法」妻》的Sofia Bryant、以及美國青春劇《神探小天后》的（Richard Ellis）擔綱演出。唔識唔緊要，追落睇下點！

而家社會其實唔係好明年輕人諗緊乜嘢，難得Netflix 睇緊時機，打算再次以青少年視角出發，而呢條新路線又幾得人鐘意，之前的青少年劇作收視又唔錯。以年輕人的話語，預告第一句就係親愛的日記，煩 X 夠未？

我唔想出街也唔敢出街，所以相信二月尾都要繼續煲劇的Home office生活，2 月 26 日一於押注Netflix《不了》I Am Not Okay With This