日本雖然冇禁香港人入境，但呢個時勢大家都未必想出國旅遊，搞到人唔好，被人搞到又唔好啦係咪？所以都係睇下日本有咩靚酒店望梅止渴，睇咗當去咗啦！

位於東京淺草嘅CAFE/MINIMAL HOTEL OUR OUR係由同樣位於淺草嘅日本老牌皮包店「HAYASHIGO」經營，既係一間酒店，亦係一間Cafe、酒吧、聚腳地。酒店主題為Jamo Associates設計的純白、木質加藍色，充滿日本風格嘅簡潔氣息，同時亦係有限嘅空間中為客人提供不同選擇。客房方面分成三類，最平最細、基本上係膠囊酒店床位嘅「Personal Room」；一間房有四個膠囊床位，適合朋友合住嘅Group Room，以及最有私人空間嘅雙人床Private Room。講真即使係Private Room嘅空間都唔算大，但勝在裝修擺設感覺相當舒服。