如果要數最受歡迎嘅高達機體，相信黎自《新機動戰記高達W》特別篇《無盡的華爾茲》中由主角希羅尤駕駛嘅天使高達「Wing高達零式改」必定係其一。但你又有無諗過呢部白藍色為主嘅天使高達有一日會墮落，成為一部黑色為主嘅機體呢？

由日本萬代南夢宮娛樂推出嘅手機遊戲《超級機械人大戰DD》近日就進行交換駕駛員活動，第二彈將會由《無盡的華爾茲》以及《叛逆的魯魯修》兩部超人氣動畫攜手合作。

今次合作活動，兩部動畫將以「Zero」作為交織嘅地方，《叛逆的魯魯修》嘅主角魯魯修「Zero」將會駕駛起《無盡的華爾茲》中嘅「Wing Gundam Zero Custom」，而為左配合魯魯修嘅造型，主辦法更製作出一部全新黑色嘅「Wing高達零式改」，而名稱亦更新為「Wing高達零式改叛亂」。

呢部「Wing高達零式改叛亂」機身顏色主要係黑金色，而翅膀則為紅色，有點墮天使的感覺，同時亦與魯魯修這角色的顏色相配襯。