世界正經歷大變，各行各業都受到環球經濟不明朗影響，英國傳統音響行業顯赫有名的Bowers＆Wilkins近日就發生高層大地震，兩名公司高層離職，公司轉交任命重組專家David Duggins接手未來目標係進行重組，再融資或出售企業，消息震撼影音業界。唔知音響大戶B&W打嚮第一砲後又會有幾多音響企業重組甚至結業呢？

Bowers＆Wilkins作為其中一間最享負盛名的HIGHEND音響企業，2016年韓裔曾任Facebook首席財務官的Gideon Yu 通過Eva Automation公司名義收購左B＆W，而前三星總裁Gregory Lee於2018年底被任命為CEO，如今Gregory Lee也離職跳船，兩位重要的高層全部離開，公司仲任命過去專門搞重組合併的專家David Duggins接手。據文件披露兩名高層於2020年2月6日離任，而David Duggins被任命為Bowers＆Wilkins Holding Ltd.的董事，David Duggins曾自我介紹中自述自已的專長係“可用於董事會的重組專業人員”。在進行重組，再融資或出售的公司中擔任顧問職務。”

其實B&W已經唔係第一次被重組收購，呢間著名的品牌同當初建立時已完全唔同，早在2016年，當Yu的EVA Automation公司接管B＆W時，就已經引入使用Silicone Valley公司的無線連接專業知識將傳統的B&W業務改革成無線及發展Multi room audio多房間音頻技術。Bowers＆Wilkins 於2019年4月正式推出無線喇叭的Forming Suite，並在今年年底增加Flex喇叭系列，產品普遍備受到好評，好多用家都期待，公司旗下Formation Home應用程式的更新將會係今年春季發佈。 

除左Flex喇叭外，2019年B&W發佈左新系列的PX ANC降噪耳機，包括評級最高的PX7，以及與Philips / TP Vision的商業結盟關係，其中B＆W為飛利浦的高階OLED + 984電視提供環繞聲喇叭功能。隨著2020年OLED系列產品的普及，Bowers＆Wilkins進一步向OLED系列產品作聯乘發展。

香港的HIGHEND音響發燒友好多都對Bowers＆Wilkins高階兩聲道喇叭推崇備至，作為一間舉足輕重的音響企業，忽然爆出大地震和改組令業界相當驚訝，未來唔知會有咩走向，不過係呢個時勢想要有強大的白武士重新改造投資都唔係易事。