《No Time to Die》嘅香港譯名係生死交戰，但計我話譯做「唔得閒死」就更加貼題，而好明顯製作方美高梅、Eon Productions以及全球發行環球影業亦都唔得閒病，所以決定將上映日期由4月頭推遲到11月，其中英國會於11月12日率先上映，全球其他地方就會於11月25日上映，亦即美國嘅感恩節檔期。

咁今次推遲嘅原因係咩呢？根據《Deadline》報導，有關安排係因為痠情影響全球多國，韓國、日本、法國、意大利甚至美國都相繼出現確診，各國政府亦採取應對措施，例如中國就有將近20000間戲院停業，簡單啲黎講，就係套戲上咗都未必有人睇。而007作為全球最知名電影系列之一，單單Daniel Craig主演的前四部007全球票房達32億美金，最後一部當然不容有失。事實上唔止《No Time to Die》，早前Marvel嘅《Black Widow》及同樣由環球影業發行嘅《Fast & Furious 9》亦延期上映。

亦即係話，大家要等多半年先可以見到Ana de Armas做邦女郎啦！