肺炎疫情轉入直路，加上5人上街即拉，早前盛行到處去玩的《Pokemon GO》係咪正式收檔？又唔係喎，《Pokémon GO》疫情下營業額居然大升 66% 。原來遊戲已陸續改變原本以戶外活動為主的型態，之前更於官方網上預告未來可係屋企直接參與團體戰活動。咁就唔怕上街捉Pokemon比警察勒令轉身夠5個罰錢屈機。而家Pokemon GO係自己係屋企室內步行玩，遲下留意下新居家團體戰活動，大家幫幫手D通告叔叔伯伯，你知啦！上左年紀好鐘意玩《Pokemon GO》，叫佢地留在家捉精靈啦！

曾經全球熱玩的《Pokemon GO》一直都深受歡迎，早前就有個西班牙77歲伯伯違隔離令偷偷地出街玩《Pokemon GO》被當地警方罰款，而全球疫情緊張Pokemon GO唯有推出改變戶外左活動玩法的室內團體戰活動。

遊戲主要改動有：

運動：強化「時時刻刻冒險」的偵測模式使用Adventure Sync跟踪室內的步伐，例如打掃房屋和在跑步機上跑步等活動都可以算是遊戲成就。使其在室內步行或運動時更有效。

社交：強化虛擬社交功能，即使訓練師無法係現實中見面都可以保持聯繫。未來將開放好友組隊，在家隔離都可以挑戰團體戰。

探索：Niantic 正在研究如何幫助訓練師虛擬探訪並分享他們最喜歡的現實世界的回憶，直到可以再次親自造訪。

實體活動：Niantic將會試圖用創造力量和幻想將現場打機捉精靈的興奮感帶入訓練師的家中，嘗試以全新的方式呈現 Pokemon GO Fest。

估唔到原先以為應馬上玩完的《Pokemon GO》居然在危難中仲試持續改進仲業績大爆發，未來將有居家實體活動的日子。據官網講更多詳細資訊將陸續公開，相信在家悶到發慌的老人家們又有野可以繼續玩啦！