武肺影響之下，世界各國不少商店都停業，生意一定大受影響，更有唔少商店捱唔住直接執咗，即使係百年老店都不例外。位於日本東京歌舞伎座(唔係歌舞伎町呀下)對面、有152年歷史嘅俟當店「木挽町辨松」亦唔例外，於本月20日宣佈結業。

「木挽町辨松」位於歌舞伎座對面，據今年67歲嘅第五代店長猪飼信夫指，由於店內設備陳舊，亦沒下一代繼承人，本來就打算於春天將店舖轉手，但由於肺炎之下歌舞伎公演減少，而「木挽町辨松」客人主要係歌健伎演員以及觀眾，生意連帶大受影響，轉讓一事亦告吹，最後唯有宣佈結業。