今年肺炎疫情下凡同「展」有關的全部都「剪」哂，不過科技界年度大展德國 IFA 消費電子展，雖然肯定無法同往年一樣係柏林聚集25萬人參展，但就宣布今年 IFA 將改以「創新概念方式」繼續進行「The show must go on」。到底9月影音電子重大盛事IFA消費電子展會點搞呢？全世界的展會相關行業以及好想去睇展覽的大家都非常好奇，到底有咩新「創新概念方式」係展覽會的出路？各大小品牌又能否配合新方式？

IFA 消費電子展係一年一度，各大影音電子科技界盛事，每年有100個國家以上參展，24萬人以上同場參與，由1924年開始舉辦至今年第96屆，係德國以至全球最具規模的工業與電子產品博覽會。本年度的展覽原定於 9 月 4 日至 9 月 9 日，在德國柏林會展中心（Messe Berlin）舉行。不過德國政府因應歐洲疫情，當地政府法令禁止所有 5,000 人以上的活動舉行，防止人群集結。因此情況並不樂觀。

Your Tweet was quoted in an article by @androidcentral https://t.co/XImhZPMjET

— Recite Social (@ReciteSocial) April 21, 2020

正當大家無期望覺得今年展會實廷期取消，IFA 主辦單位就係網上發訊息，指為左配合柏林政府防疫政策，故此今年 IFA 唔會取消但都唔會如常，將會改以「創新概念方式」進行，不過就無清楚講明點搞。大概大家估記就同MWC,Google I/O, facebook的大型科技網上發佈會差唔多掛？大家估計應該都係改用網上形式舉辦，不過咁就要睇各參展品牌的配合度，感覺就好似全港的教師般忽然全部變哂Youtuber 網上達人一樣怪異。

我真係對德國人搞創科有少少期待，睇下有無新穎概念可以帶領全球展會新出路，當然，人一有期望自然就會失望，無咩事我都係繼續自己創科用手指篤 Mon 篤返分半鐘。