科技改變生活，仲買音響？買對燈膽就可以照明兼聽歌啦，Sony最新推出新一代LED燈膽喇叭 LST-SE300，唔係講笑，佢高規格高音質藍芽配對仲防水戶外都用得，買兩個燈膽配兩支IKEA座地燈架，配對成兩聲道立體聲，又有燈又有音樂，超科幻得來又可以浪漫滿屋，當然，唔好將光線胡亂照射你的另一半，好多時光線打燈打得唔好個樣會出事！

Sony出喇叭燈膽唔係咩新科技，其實已經出到第三代啦，不過呢代可以放戶外用，防水達IPX4基本級數，即防撥水食食下飯一杯水撥埋嚟「賤人」，搞唔掂餐飯起碼盞燈都無事。播歌方面你當佢係一個藍芽喇叭即可，佢 支援apt-X高解析度播放，簡單實用仲可以配對成雙播立體聲。必要的覺悟係佢只有2W輸出，唔係用來比你爆機同聽古典音樂，音質上唔駛太高期望。

而佢實實際際係一個燈膽，提供520lm(等同40W)流明光度，有32種調光等級和RGB 192種色彩調節功能 ，可通過遙控操作或者直接用電話下載Light Plus app進行控制，一次過用電話控制燈光同音樂，一個人在家都可以set一場最完美的二人飯局，當然你鐘意玩3人都可以，燈光同音樂往往被認為係女士們心靈同身體最感觸的原動力之一。

LST-SE300 建議售價為¥20350(約港幣14xx)，買個放係房真心好用又有趣，千幾銀買個燈膽值唔值就睇你點睇，主要諗訓住用電話開關同播放音樂，幾盞鬼！