中國版嘅Steam今年2月已經成功進入中國，預計好快就可以正式上架供市民下載。不過，入得中國又點少得被控制，唔單止遊戲要被篩選，最新有網友透露程式將被加入防沉迷系統，強制提醒玩家及控制遊戲時間，簡單講即係打機都無自由。

消息指，中國版Steam將會強制彈出5秒健康遊戲忠告:「抵制不良遊戲，拒絕盜版遊戲。注意自我保護，謹防受騙上當。適度遊戲益腦，沉迷遊戲傷身。合理安排時間，享受健康生活。」唔知佢地不良遊戲嘅定義又係咩呢?

另外，控制玩家遊玩時間亦係中國版Steam嘅特色，預計可能會係設定每日最高遊戲時間，當超過一定時間後角色經驗值或金幣素材收益會減少，甚至變為零，務求令你放棄遊戲。若然你繼續進行，遊戲將強制彈出「您必須現在退出遊戲，休息一下，明天再來」，然後關掉遊戲。

身處香港現時仍然有打機嘅自由，但可能好快連呢啲自由都會失去埋....