話說有套著名的挪威青年HEHE劇叫《羞恥 SKAM》曾經大獲好評，故事題材涉及青少年面對同性戀、愛情道德觀、宗教信仰、性侵犯以及童年陰影、精神疾病、自我價值認豐富議題題材犯禁，不過2015年起播出4季之後，有8個國家包括美國、法國、西班牙、義大利、丹麥等等都買左版權翻拍，近日中國北京豐聲樂動公司傳出話要翻拍中國版《羞恥 SKAM》，並計畫由優酷出品。事件係內地網上引爆好多影迷都研究到底中國可以點處理相關敏感議題？正覺得不可思議之際，原導演Julie Andem 就親自係 Instagram 澄清指中國無買過版權，無資格翻拍，其實中國人未立定決心姐，要拍馬上一箱人仔寄比你即時有版權到時再改一改合乎中國國情，青少年愛國抗日反美援朝社會主義兄弟情中國人對抗排華，呢套中國特色《羞恥 SKAM》駛咩買版權。

《羞恥 SKAM》呢套劇有8個國家唔同的版本，內容主要描述一班高中學生的日常生活，故事涉及青少年面對同性戀、愛情道德觀、宗教信仰、性侵和童年陰影、精神疾病、自我價值認同等豐富議題，觀眾睇落相當之過癮。北京豐聲樂動公司係微博度就話會翻拍中國版《羞恥 SKAM》，中國網民相當驚訝，係內地尺度日益收緊的今時今日，拍套咁大膽的野觸碰中國內地同性戀宗教信仰等等禁忌題材，有無可能咁爆？

正當大家驚訝譁然之際，就有中國影迷主動向挪威原作女性導演兼編劇家 Julie Andem 求證得出的結論係：Julie Andem 親自係 Instagram 澄清，中國並無翻拍《SKAM》的版權。睇來今次純粹係北京豐聲樂動公司自編自導自演出下位刷下存在感，但咁樣唔知算唔算尋釁滋事。