最初被忽視，到後令人意想不到嘅人氣漫畫《鬼滅之刃》，日前於《週刊少年 Jump》2020 年24號正式迎來最終回，亦即係話連載正式終結。

據消息指，呢期刊登《鬼滅之刃》最終回嘅《週刊少年 Jump》賣到掉晒市，足以證明其受歡迎程度實在誇張。

《鬼滅之刃》漫畫版由2016年2月開始連載，初頭因為畫風問題無咩人留意，直至2019年4月改編電視動畫後，因為動畫質素極高，因此旋即爆紅，連帶漫畫亦被瘋狂搶購，甚至打破《海賊王》佔據銷量紀錄11年嘅紀錄。

雖然漫畫已經完結，但Fans們唔使失望住，因為黎緊今年10月《劇場版 無限列車篇》將會上映，相信必定有大量Fans爭相入戲院觀看。