文青本人非常鍾意睇啲所謂「燒腦劇」，而其中又有兩套係我真心覺得「難」睇，一係睇前面九集都唔知佢做緊乜，睇到最後一集圇埋啲網上分析先會「哦~~~~原來係咁」嘅《Westworld》，另一套就係Netflix嘅《Dark》，因為佢劇情本身就唔易明，又因為德國劇而逼我專心睇字幕，加上我又好不自量力叫埋女朋友一齊睇——你見過人旁述足球賽馬，有冇見過人旁述一套自己都唔係好明嘅劇？而《Dark》最後一季6月尾就上，最新亦公開咗預告，你估可唔可以叫Netflix預先Send啲劇情等我準備下先呀啦？

《Dark》第三季，亦即係最後一季將於6月27日正式上線，最新公開嘅預告片亦充滿埋尾嘅味道，似乎主角Jonas一行人終於發現打破循環嘅方法，預告最後亦大大隻字寫住「The final cycle ends」，加上創作團隊Jantje Friese及Baran bo Odar上年接受訪問時指，最後一季會「為觀眾的疑問提供答案，亦會解開時間嘅故事」，相信一切答案都喺哂呢一季入面啦。唔知大家期唔期待呢？定大家覺得現實生活都夠哂Dark呢已經？