大家可能習慣中國內地古靈精怪商標侵權官司，但全球睇到的係香港個名，中資香港萬達集團（Wanda Group）已準備好向迪士尼提出侵權訴訟。 指控聽落無厘頭話佢地「Wanda」的商標被侵權，因為迪士尼即將係自己頻道上映的紅女巫系列電視劇《溫黛與幻視》（WandaVision）個名有問題？案件正在進行中暫時詳情不多，不過就耐人尋味，提一提大家香港萬達集團唔係唔係「普通」公司，係中國富豪王健林旗下集團，而且熟悉電影業界，買落擁有美國全球市場佔有10%份額的第二大電影院線AMC公司，萬達已向法庭提出證據，對迪士尼同佢法律團隊來講就好少事，輸都只係賠錢，但對國際來講呢單「花生」就相當有趣，反正全世界睇到中國人最鍾意鐘意話人侵權，當然法律上最後可能Marvel真係侵侵左佢權。

香港萬達集團（Wanda Group）日前起訴迪士尼旗下Marvel劇集《溫黛與幻視》（WandaVision）侵權，「侵侵」左香港萬達集團1988左右全球已註冊左的“Wanda”呢個商標 。《溫黛與幻視》打算係迪士尼全新網上串流頻道Disney+上映，預計播放時間係2020年12月，暫時未有消息話會對播放有任何影響。

萬達集團的創辦人係中國富豪王健林先生，成立於1988年，總部設於中國北京，係一間大型跨國企業集團，業務涉及商管、文化、地產、投資等領域。2017年位列《財富》世界500強企業第380名。而作為影迷最熟悉的係萬達集團擁有美國第二大電影發行院線公司AMC，係美國電影業界有一定份量。王健林先生早前認為荷里活電影可以喺中國放映但 中國電影卻無法喺美國上映係引致 中國電影無法走出世界嘅一個主因， 於是萬達集團就真正收購左美國電影發行院線AMC，將中國電影帶入美國，從此中國電影可以打入美國市場主流電影係美國播放，不過暫時幾套主流中國電影美國票房都係相當之低迷。

根據早前《彭博社》報導，今年由於武漢疫情，萬達集團損失慘重。王健林個人財產蒸發約五分之一，旗下AMC亦有驚人赤字，第一季虧損5.5億至6.5億人民幣。美國院線AMC不堪疫情衝擊 近期已爆出有破產危機，有華爾街法人認為AMC入不敷出，瀕臨聲請破產。早前環球影業（Universal Studios）決定跳過美國電影院線，以PVOD(Premium Video on Demand)串流模式推出全新電影Trolls World Tour，得罪AMC與傳統戲院產業。AMC早前已決定抵制環球發行的電影。今次侵權案真係唔知到底係咩野玩法？