海洋公園都開始復園，戲院就當然復院好耐，當大家認為今年電影市道應完全無期望時，唔好唔記得原訂9月4日上映的《Monster Hunter》真人電影好可能如期上畫，但呢套遊戲迷期待的有趣大作一直保持神祕，6月已到都只見兩個主角沙漠獨行，龍呀魔物怪獸全部都見唔到影，今日又公開多一張劇照，都係得女主角。當然真正引起注意的其實係女主角手上的「投射器」，可以裝填各種幫助狩獵的道具仲可以射出勾繩作各種立體動作，《Monster Hunter》迷準備好唧牙膏到9月。

映画『モンスターハンター』新装備“スリンガー”を装着した場面写真が解禁！ミラ・ジョヴォヴィッチが ゲームの世界さながらの過酷ロケの裏側を明かす#モンスターハンター https://t.co/v1IJvUkZtG pic.twitter.com/aO84YPD266

— ファミ通.com (@famitsu) June 9, 2020

《Monster Hunter》真人電影改編自Capcom著名遊戲《魔物獵人》系列，即將係今年 9 月 4 日上映，近日日本方面就公開左多一張米娜·祖華域芝擔當女主角的最新劇照。據報，本次劇照重點在於祖華域芝左手上的「投射器」。唔知大家有無打《Monster Hunter》，投射器好用強大，讓人對電影有幾忠實反映原作遊戲相當期待。

不過套戲九月上畫，至今都未見到新的魔物們，讓人非常期待之餘又十分擔心，因為荷李活出名在於以電影摧毀日本動漫遊戲。