據稱係《數碼暴龍》電影劇場版最後大結果嘅《數碼暴龍 LAST EVOLUTION 絆》已經上映了一段時間，相信有睇嘅朋友都應該又感動又慨歎，因為曾經作為小孩嘅你時光飛逝下已經長大，你仲記得你嘅夢想嗎? 開心多了還是煩惱多了?

鍾意Figure嘅你，仲有無自由買自己想買嘅野呢?

由日本萬代玩具公司 GASHAPON 推出嘅《數碼暴龍》主題塗裝完成品模型『ULTIMATE IMAGE』系列，日前公開出自最新劇場版《數碼暴龍 LAST EVOLUTION 絆》嘅新作「亞古獸勇氣之絆 & 加布獸友情之絆」。今次新作係之前已經推出嘅奧米加獸：慈悲模式及奧米加獸X抗體後嘅全新作品。

「亞古獸勇氣之絆 & 加布獸友情之絆」係亞古獸同加布獸嘅最後進化，係憑住太一同大和「勇氣」及「友情」與數碼獸互相連結下，因為與人類長期生活及理解人類，因此最終化身成人類形態。

而今次釋出嘅全新商品，係兩隻最終進化嘅亞古獸同加布獸嘅3D原型，預計商品會於今年8月上旬展開預購。