好多人睇完《JOKER小丑》覺得呢條痴線佬好正，但如果有個反社會人格但佢憤怒唔係面向社會而係針對你同你全家，事情就變得好恐怖。金像影帝羅素高爾出左套痴線佬新作《爆怒時速》飾演癲佬公路上被人用車態度惡劣「砵」左幾下，情緒高漲人格爆裂， 誓要向女主角報復無所不用其極，一場全慌位追殺遊戲正式上路。面對一殺不可收拾的局面，最後「砵」人女主角全家能否避過車毀人亡？ 呢套電影講劇情論創意，動作公路追車設定算係非常之創新，揸開車嘅你可能都感同身受遇上過馬路「癲佬」，總有一位係左近。

早前戲院封左好耐，大家都只能睇望到都無興趣冒險入場的舊作，美國解封戲院後第一部矚目荷里活鉅獻，原來就係呢套由金像影帝羅素高爾聯同《白宮淪陷》系列監製，攜手殺出又一破格震撼、零冷場公路追逐戰！《爆怒時速》(Unhinged) ，吹到好大但個預告又確實係幾癲，反正好人好姐小心唔好得罪人，尤其呢個世上癲佬何奇多，炒蝦拆蟹以外分分鐘殺你全家！

金像影帝羅素高爾在電影中飾演經歷痛苦後在擠塞的公路上被激怒的車主，故事中的他心狠手辣、做事不顧後果，決定向女主角報復後更是無所不用所極。片商Solstice總裁Mark Gill表示：「《爆怒時速》中一開始場景是很生活化但又是大家在封城後久違的，擠塞的公路、不停響咹、車主與車主之間的爭執等等。電影中亦會有很多令觀眾感到過癮、緊張刺激的追逐畫面，希望可以令久未入場的觀眾重拾在電影院看電影的趣味。」

揸車最怕遇到態度惡劣嘅司機， 睇戲最怕撞上踢櫈食嘢講電話嘅煩膠，可能你下次踢到前面張凳隨時激嬲一個爆煲痴線佬，即時開你波爆怒時速，都係嗰句係呢個咁痴線嘅世界唔好亂咁得罪人，7月9日有板你睇，《爆怒時速》真係好癲！