真正元祖變形金剛柯柏文返來啦！有咩親子活動好得過阿仔同老豆睇同一個博派拖車柯柏文。Netflix同孩之寶（Hasbro）合作全新變形金剛三部曲動畫系列即將係7月30日Netflix有得睇，今次沿用1984 年由美國 Hasbro 和日本 TAKARA 合作推出的元祖玩具系列造型，即係老豆細細個睇的紅色大貨車柯柏文，呢個先係真正男人幫心目中的Transformers！

呢次全新製作的動畫，由Netflix 出品，係《變形金剛：賽博坦大戰三部曲》首部曲「圍城」（Transformers: War For Cybertron Trilogy: Siege）預計 7 月 30 號係Netflix上架。今次故仔聚焦係斯比頓星球上博派與狂派的內戰故事，因此，唔會見到有人類的存在。老老豆豆熟悉的博派領袖柯柏文和狂派領袖麥加登，將會作出關鍵性的決定去結束漫長戰爭.....

明顯今次唔再用 Michael Bay電影的追型，目標銷定最傳統的變形金剛迷，都係博派同狂派的對戰，狂派以奪取能量火種（Allspark）作目標，相爭奪斯比頓星球的統治，大家熟悉的變形金剛悉數登場，觸目所及除左柯柏文、麥加登兩大 首領，仲有大黃蜂、阿積（Wheeljack）以及女性變形金剛Elita One，同博派的馬格斯（Ultra Magnus）等等

相信喜歡變形金剛細個玩過玩具的大小朋友必定唔人錯過，不過最多人鐘意的玩具可能唔係柯柏文，而係前狂派的忍者參謀六面獸，佢可以變形成羅渣、戰車、激光槍、飛狼、裝甲運兵車、機械人六種樣貌，細個好羨慕其他小朋友有得玩！而家同阿仔一齊創造共同回憶，一齊睇變形金剛啦！