肺炎影響世界，好多電影都要停工停拍，最近Marvel 亞洲電影《上氣與十環幫傳奇》開始係澳洲復工，澳洲媒體近日仲拍到上氣的拍攝場地，擺滿中國式宮殿以及村莊戶外場景。上氣由加拿大華裔演員劉思慕主演，而加上人氣林家珍奧卡菲娜（Awkwafina）以及大家都覺得佢邪惡的滿大人梁朝偉，仲好似話會加埋楊紫瓊同陳法拉大雜燴，睇一睇日曆如果疫情緩解原來理論上2021 年 5 月7 日就可以睇到呢套作品，仲早過立法會選舉呢！不過我建議電影改一改名新加坡化可能票房更好，例如試下叫「我的富豪十環幫父親」...........

News report showing video of the set of Shang-Chi and the Legend of the Ten Rings from r/marvelstudios

在 Instagram 查看這則帖子

Super happy to be outdoors ???????????? masked and social distancing ????

Michelle Yeoh 楊紫瓊（@michelleyeoh_official）分享的帖子 於 PDT 2020 年 8月 月 1 日 6:40 下午 發佈

上年聖地牙哥動漫展Marvel就已經高調公開《上氣與十環幫傳奇》的演員陣容，不過套戲到而家都未拍攝，而且重點主角例如梁朝偉完全無影蹤，非常神秘。而奧卡菲娜 (Awkwafina) 的角色都冇亦都無公開過。暫時最新消息係電影唔會好似《花木蘭》咁會如期下年上到，而 最新消息亦都睇到喺澳洲雪梨片場，《上氣與十環幫傳奇》已搭出片場重新復拍，楊紫瓊係自己IG 透露自己接受緊肺炎檢測，而位置正係澳洲，而劉思慕同奧卡菲娜都係當中回應留言支持，相信如果拋開中國思維，呢部亞裔另類功夫英雄作品以老帶新的方式值得期待一下。

上氣係Marvel漫畫原作擅長功夫嘅大師級英雄，《上氣與十環幫傳奇》電影肯定包含大量中國武術元素，當然要同葉問大戰外星人有所區分就唔可以單純功夫，所以Kevin Feige都強調作品絕對唔會咁簡單，一實有驚喜，而且係Marvel首部98%亞裔演員的電影。不過直到現時，呢部作品都只是吹水階段，距離大家真係知道佢拍緊乜嘢仲有一大段路！