長期食老本嘅SNK又來了，不過好多人包括我都唔爭氣，一見到呢個SNK等身實體懷舊街機「SNK Neo Geo MVSX」就好想買一部，又一次回到過去街機黃金時代中，呢部街機內裡仲收錄左50款當年熱門遊戲，基本上齊料咁濟。

可惜呢部街機台暫時只限於歐美地區發售，預計9月開放預售，11月就可以發貨，唔知海外代購轉運香港行唔行得通！SNK今次推出的呢部「SNK Neo Geo MVSX」同早前的玩意唔同，今次呢部真係一整台等身比例大機，猶如過去早期喺雜貨舖可以睇得到嘅街機，成座放係屋企包一個 17吋螢幕，可以同時兩人對戰！

 遊戲內置收錄高達 50 款熱門遊戲，包含《拳皇》、《餓狼傳說》、《侍魂》、《World Heroes》、《越南大戰》、《戰國伝承》，仲可以搵多一啲早期喺街機舖頭見到嘅運動類遊戲，相當吸引！

SNK Neo Geo MVSX 售價 450 美元，仲可以多加50美金購買下方的投幣入錢位，等大家可以搵你老婆唱錢慢慢入然後企住喺度玩，有朋友來可以放一蚊跟機輪住雙打。如果懷舊機死剩一部，呢部值得入手！