英國Linn可謂網絡串流音響的先驅，第一代的Majik DSM係2009年推出，今時今日已經係第五代產物，技術同支援都相當成熟。佢係一部全能合併機器，細細盒5合一神器，包含網絡串流機、音響解碼、混合式模擬/數碼MM黑腦唱放、前級、D類50W後級，都係一部機加對喇叭就成為全新一套Linn音響裝備。

Linn的基地實際上係蘇格蘭，如果大家玩音響由2009年開始玩串流，咁你就會知這Linn行得好前，當年可說係最好的網絡播放機。經過多年升級同改革，最新由CHAKRA放大器技術為核心的網絡播放已經全面升級成MAJIK DSM / 4第五代目，佢格式播放支援最高PCM 192kHz / 24bit，DSD 5.6MHz的網絡播放，全面支援TIDAL，Qobuz和Spotify Connect等串流媒體服務。廠方計劃將支援Amazon Music HD。當然提供Wi-Fi和藍芽連接。MAJIK DSM / 4係使用廠方特配定制全新設計的D類放大器，DAC解碼配備左新的DAC系統FPGA電腦運算係裝置右下角，以最短路徑解碼。除左數碼播放的能力，MAJIK DSM / 4兼容MM唱頭的黑膠唱放功能，並配備了均衡系統，URIKA II中開發的模擬和數碼混合工作。借助數碼RIAA均衡技術，聲稱達到無失真，相位旋轉和放大機能，擁有極佳的信噪比，據說可以還原實現錄製原來聲音。仲具有四個HDMI輸入和HDMI ARC支持，可以同Apple TV和各類機頂盒配合使用。模擬輸入端具有一個可以在LINE和MM之間切換的RCA，數碼系統具有USB B型，TOSLINK和COAXIAL（輸入/輸出）。除左兩聲道連睇戲家庭影院都支援埋。

老老實實上面一堆都係數據，一直都有的機能可以不理，最實際新機擁有新功能係有更高的處理能力展示Linn的空間優化技術，以電腦技術計算根據房間的聲學效果調整Majik DSM的喇叭輸出。房間優化技術先係呢個世代音響的核心，唔再好似過去為擺位為空間而擔憂。

都係嗰一句，只需添加一對喇叭。或黑膠轉盤，就可以配成一套音響，而Linn廠方當然希訊你完整用盡Linn系統，選用佢為你配制的Majik LP12黑膠轉盤，同埋有唔同顏色選擇的Majik 109和Majik 140 Linn喇叭。MAJIK DSM / 4尺寸為350W x 350D x 100H，質量為4.1kg。全機採用鋁材料並安裝D類放大器以實現最輕量化。Majik DSM的售價為2950歐元即三萬港幣有找，音響新世代其實係愈來愈平價！