如果你喜歡隻狼呢種單機遊戲， 來自中國內地忽然爆出嚟嘅全新作品《黑神話：悟空》肯定令你眼前一亮！暫時唔講左右黃綠純睇遊戲畫面同風格，8月20號中國遊戲團隊「遊戲科學」放出長達 13 分鐘實遊戲試機短片可謂驚艷，影片可見玩家扮演西遊記主角悟空，話係實機遊戲畫面，就咁睇確係相當精彩，係我見過最高質素的中國遊戲，但唔知是否又係另一個騙局的開端！你睇一睇短片先，觀望一下？

呢個由中國遊戲團隊「遊戲科學」（Game Science）開發的西遊記題材單機動作角色扮演遊戲《黑神話：悟空》，係昨日正式公開長達 13 分鐘實機遊戲短片。官方強調影片內容全部基於實際操作錄製，一刀未剪呈現真實的遊戲體驗。

《西遊記》無論喺劇集定電影都係最經常被改編作品，遊戲當然都有好多，不過好少有令人覺得高質素的西遊記遊戲。今次呢部中國內地的《黑神話：悟空》的確Game如其名，黑神話出現，一路睇我一路諗，邊度抄返嚟？？又做得幾得喎！係我見過最靚最高質的中國製遊戲，果然成功瞬間引發中港台以致海外遊戲界的話題與期待。《黑神話：悟空》係以 UE4 引擎開發，根據官方資訊，遊戲預計主要登上 PC 與其它主機平台。對於遊戲開發進度暫時不明。

《黑神話：悟空》官方介紹強調遊戲主角「名為悟空，不只講猴子」，本作除左重新去塑造一個個大主角外，仲運用頂尖的畫面、豐富的細節、沉浸的戰鬥體驗、足量的劇情演繹，去還原心中一直存在的東方魔幻世界，譜寫充滿東方韻味的超級英雄史詩。玩法相信同《隻狼》差唔多，但呢個質素的中國遊戲實屬少見，非常適合關起門作內循環打爆機！