迪士尼製作，劉亦菲、甄子丹等人主演嘅《花木蘭》，確定會於9月11日於中國上映。

圖片：Disney

據《The Variety》引述中國電影業者指，已經收到《花木蘭》中國發行商「中國電影集團 (中影)」嘅通知，電影將於9月11日上映。換言之，《花木蘭》會於中國市場正面對撼9月4日上映、Christopher Nolan嘅《TENET》，同時亦好可能要面對網上盜版問題。事關9月4日亦係《花》於北美及歐洲主要地區嘅Disney Plus上線、以及台灣戲院上映嘅日子，大拿拿成個星期夠哂時候下載、譯埋字幕再Up去啲電影網任人睇啦。

值得留意嘅係，由於迪士尼早前宣佈《花》會於Disney Plus上播放，換言之會喺戲院上嘅地區就淨返未有Disney Plus嘅俄羅斯、土耳其、中國、中東及大部份亞洲地區等地以戲院播放。