講起「任天堂出以前嘅手提遊戲機」，好多人會諗起Game Boy，但其實由横井軍平設計、每部只能玩A、B兩隻遊戲嘅「Game & Watch」系列先係任天堂第一代手提遊戲機，更係當年將任天堂由70億Yen赤字中拉返上黎嘅大功臣。而為咗慶祝《Super Mario Bros.》推出35週年，任天堂就宣佈會推出新嘅Game & Watch，仲要係彩Mon黎添！

其實Game & Watch自1991年後就已經停產，今次推出嘅「Game & Watch: 超級瑪利歐兄弟」，外觀上同當年嘅Game & Watch非常相似，最大分別係中間個Mon由液晶顯示器變成彩Mon，玩嘅亦唔係簡單小遊戲，而係成隻《超級瑪利歐兄弟》，Game B就係《超級瑪利歐兄弟2》，至於經典嘅接波波小遊戲，就由Mr.Game & Watch變為Mario本人。