{ SKIP }
文:MenClub 波特先生  圖:互聯網
POSTED ON 18 Sep 2020

新型肺炎持續肆虐,令大家大部份時間都只能夠留喺屋企,一眾鍾意做運動嘅朋友相信呢段時間相信特別難捱,但為左各人健康都真係無計。

不過隨住市民各自齊心抗疫,疫情開始走向緩和,而作為勇者嘅你可能終於有機會走出黎,展現自己強勁嘅一面,因為斯巴達賽事今年10月將會再次舉行。

黎緊10月3日,斯巴達暴風雨混合耐力訓練將於大嶼山舉行,今年賽事將於全球 6 個地區同步進行,其中包括香港、中國、美國、菲律賓、奧地利和斯洛伐克。

與你之前聽過嘅斯巴達跑唔同,今年暴風雨混合耐力訓練唔係一個比賽,而係分為三個不同級別,參賽者可以選擇 4 小時、12 小時或 24 小時嘅挑戰。訓練由第一級「暴風雨」開始,參賽者團隊需於 4 小時內完成唔同嘅任務同體能挑戰。而完成第一級訓練嘅參賽者可選擇加時 8 小時,繼續挑戰第二級訓練,而接落黎呢 8 小時將會係一個單打獨鬥嘅挑戰。

當然,如果你自問係最強嘅極限挑戰者,你將可以挑戰第三級結共24小時嘅訓練,睇下你自己嘅極限究竟喺邊度。

訓練中,你地呢班勇士將要攀升、推、拉,跨越高牆、山嶺、大樹、 泥濘、鐵網陣等嘅障礙,每完成一項都代表住你嘅強大又進一級,實在係挑戰自己嘅最機會。

活動詳情

日期:2020 年 10 月 3 日(星期六)

時間:早上 8 時

地點:大嶼山

參賽費用:暴風雨每一位參賽者:港幣 1,000 元正

暴風雨 12 小時每一位參賽者:港幣 1,100 元正

暴風雨 24 小時每一位參賽者:港幣 1,200 元正

同行優惠:現以優惠碼「H3XHK」報名可享二人同行優惠,每人即減$150 元。

如果你用IG用得夠多,或者有機會睇過一位美國「爺爺級」法官判案嘅影片。而呢位為人非常友善溫暖、有時甚至會因為想畀犯人改過機會而主動撤告嘅法官,其實叫做「Frank Caprio」。而近日其家人於社交網站上宣佈,呢位 ...
hobby
【R.I.P】享年88歲 美國「最善良法官」Frank Caprio離世
21 Aug 2025
如果話呢個世界上有一個人,佢唔做嘢係正常、做嘢先算係新聞的話,咁呢個人好可能就係《Hunter X Hunter》嘅創作者,人稱「富奸」嘅「冨樫義博」而咁多位,我哋有新聞啦!「富奸」事隔足足8個月終於又開始工作啦! ...
hobby
【動漫】距離古拿比加落船又近一步!冨樫時隔8個月再次開始作畫
21 Aug 2025