日本人的抗疫邏輯獨樹一幟，有時懶懶閒有時又回應得特別快，這一年疫情人類最大改變係真正勤洗手，大家都唔太敢於出手撳????撳掣觸碰物體，日本自動販賣機公司 DyDo 為左消除顧客疑慮，推出一款用腳操作的自動販賣機。下次當你返家鄉時見到可以用腳踩返罐飯品飲下 ，記住練好對腳，家下買野飲同便利店都係用腳操作....交朋友都可能轉用腳交，即握握腳踢踢腿做個好朋友。

呢一款最新的「足操作自動販売機（日文）」來自日來的自動販賣機商 DyDo，同以前的販賣機唔同的地方係下方伸出左三排按制，客人可以用腳踏按制嘅方式選購商品。當你買完，只需要再用腳踏一踏出口制，出口處的擋板就會敞開或關閉。最後你都係需要用返手彎低取出飲品或商品。但用手的比率已經減到最細，理論上已經將接觸減到最少。

如果你每日對於撳????用手接觸屏幕都會擔驚受怕，每次掂完嘢都會沖入去廁所洗手，呢個腳踢販賣機就最適合大家，日本人的創意同反應都係最快速，係呢類商業同生活上，但對於體制和官僚的變化又會比全世界慢，所以日本真係一個相當有趣的國家。

除了賣飲品販賣機，DyDo 都有一般的商品出售，而飲品係日本境內的收入有 8 成係透過自動販賣機，DyDo希望可以藉由這種不須經雙手接觸的販賣機增加銷量。呢款用腳操作的自動販賣機目前係東京港區進行測試。不過暫時機台付款仍必須透過最污糟嘅硬幣、紙鈔候入錢，因此公司正計劃推出人臉識別付款機制。當大家可以去日本的時候，相信自動販賣機將會升級完成，不經人手用腳操作。