{ SKIP }
文:MenClub 摯樂  
POSTED ON 07 Oct 2020
【肯定經典】日本最瘋癲電影《新解釋・三國志》巨星拱照渡邊直美出無雙

我們這一代男人大多對三國時代瞭如指掌,大家都知三國志係可選史實或虛構模式,戰場上面對千軍萬馬開動無雙Mode係正常不過的理解!印像中三國人物係適合講日文毫無違和感,這樣的理解相信好多人同我一樣我細細個就已經有,所以當我知道電影《新解釋・三國志》即將於香港上映後!我已搵到本年度我最期待的電影,套戲陣容超級強大,一句渡邊直美係絕代美人「貂蟬」已玩哂,人設同海報加上瘋狂的演繹,香港真係會上映大家入場絕對「不解釋」。



《三國志》絕對係日本人的最愛!三國志已經玩到爛不斷被改編成小說、漫畫、動畫、遊戲,年尾日本又將《三國志》搬上電影舞台,由《銀魂》鬼才導演福田雄一執導《新解釋・三國志》,演出者超堅有《銀魂》小栗旬、《全裸監督》山田孝之、《陽光姊妹淘》渡邊直美…眾多大牌明星大亂鬥的《新解釋.三國志》即將係12月11日日本爆笑上映!而香港方面居然宣布上映,不過映期係唔係同步就未有定案。



肯定一點《新解釋.三國志》絕對唔係跟史實,以西元約 200 年的中國後漢為時代背景,敘述魏國.曹操(小栗旬 飾)、蜀國.劉備(大泉洋 飾)、吳國.孫權(岡田健史 飾)三國分立的局勢下,驚心動魄又幽默十足的故事!


《新解釋.三國志》的選角名單有今生無來世,絕對係90年代香港電影大曬冷式大堆頭電影,未來回看絕對會成為經典。同類香港電影無論東成西就定超級學校霸王,就算無里頭如今翻睇不時覺得妙趣橫生。數一數話題明星陣容由大泉洋 飾演「劉備」、橋本哲 飾演「關羽」、高橋努 飾演「張飛」、小栗旬 飾演「曹操」、岡田健史 飾演「孫權」、賀來賢人 飾演「周瑜」、山本美月 飾演「小喬」、室剛 飾演「孔明.諸葛亮」、橋本環奈 飾演孔明之妻「黃夫人.黃阿醜」、岩田剛典 飾演「趙雲」、半海一晃 飾演「魯肅」、矢本悠馬 飾演「黃蓋」、佐藤二朗 飾演「董卓」、城田優 飾演「呂布」、山田孝之 飾演「黃巾」……



當然最受矚目非渡邊直美所飾演的「貂蟬」莫屬,呢個設定完全打破觀眾的既定印象,「貂蟬」居然係被「董卓」(佐藤二朗)同「呂布」(城田優)兩名男子漢所爭奪的絕世美女!可想而知呢套戲幾咁瘋癲............



Christopher Nolan嘅下一部大作《Odyssey》星光熠熠,單單係Matt Damon、Tom Holland、Anne Hathaway、Zendaya等演員名單就已經夠吸引大家入場。但除咗電影公佈嘅首張劇照確認Matt Damon會出演主角奧德修斯(Odysseu ...
hobby
【影視】Nolan《Odyssey》角色名單曝露 荷蘭仔、麥迪文演父子 Zendaya飾雅典娜
17 Mar 2025
Amazon及MGM早前從Eon Productions手上買下《James Bond》系列創作權之後,唔少人都擔心呢個代表英國嘅著名IP會被為利是圖嘅大企業玩爛,又或者被強行「覺醒」,特別係Amazon早前推出嘅《Power of Rings》更可謂前車 ...
hobby
【影視】Amazon指新James Bond仍是英藉、男性 Idris Elba接任有望?
17 Mar 2025