扭計骰對於唔少人黎講，只要記得公式要將佢還原其實唔難，反而之後提升速度挑戰最快還原時間先係更難嘅事。

要想挑戰更快速度，一個啱手型以及順滑嘅扭計骰絕對係必須的，但如果係以下落黎呢個扭計骰，唔知又會令你嘅速度減慢幾多呢？

為紀念3 x 3扭計骰喺日本發售40周年，日本「百萬屋玩具公司」近日推出現時世界上註冊記錄以來最細嘅扭計骰。呢個世界最細嘅扭計骰依然3 x 3結構，但其邊長卻只有9.9mm，選用鋁質材料，並配合超精密金屬切寧加工技術生產。

唔好睇佢咁細以為只係擺設，佢真係可以用黎玩的，但售價就唔似佢嘅體積咁細啦，足足要19.8萬日圓，亦即係約$14000港元咁貴。