據Sony官方嘅支援頁面指，PS5將支援PS4上99%、超過4000隻遊戲，唯獨就係上面呢十隻並不支援於PS5上遊玩。好在嘅係呢十都唔係啲咩大作，相信對大部玩家黎講都唔會有咩影響。另外Sony亦指受惠於機能提升，部份PS4遊戲 (如《對馬戰鬼》)於PS5上遊玩時表現會有所提升，但亦有部份遊戲可能會出現錯誤，所以建議於PS5上為PS4遊戲購買資料包之前，記得先開隻Game出黎玩下先。

另外頁面中亦公佈咗於PS5上玩PS4遊戲嘅方法，如果你有嘅係光碟版PS5，直接隊隻PS4碟入去，按指示下載更新就玩得；而如果你買嘅係下載版PS5，只要於PS5上登入PSN，就會見到自己個遊戲庫，下載就可以。其他支援詳情例如VR遊戲、手掣嘅使用，可以參照PS5嘅官網。