釣魚有唔少人可能會覺得好悶好無聊，但同時亦有一班狂熱粉絲，對釣魚情有獨鍾。咁如果你係鍾意釣魚嘅朋友，但同時又鍾意高達嘅話，咁以下呢個介紹就絕對啱晒你！

日本品牌COSPA近日與釣魚品牌TRY-ANGLE合作推出一系列「高達」釣魚用品，其中包括: 「地球聯邦軍」、「自護」主題魚竿、魚絞。

先睇魚竿，聯邦與自護嘅主題魚竿分別印上各自代表嘅徽章圖案，以及字樣好似「E.F.S.F.」、「ZEON」，令用家非常易分別。

另外，魚絞方面由日本著名嘅五十鈴工業製造，其中聯邦軍嘅為白色，自竣則是鐵灰色，同樣魚絞上亦都分別印有「E.F.S.F.」、「ZEON」以及「U.C.0079」字樣，非常具有高達特色。

將以上各自主題釣魚用具組合，拎出黎都真係特別醒神，唔知會唔會幫到手釣到多啲魚呢?