Leica相機有幾高質素唔使我多講，佢唔只係Lifestyle嘅代表，提供嘅服務亦絕對高質。而近日佢地宣佈將與影像工坊公司WhiteWall合作，屆時大家去到Leica店內將可同時享受兩家公司所提供嘅專業服務。

率先呈現Leica x WhiteWall嘅店舖將會係德國慕尼黑Leica新店，到時將會於店內特別陳列WhiteWall 產品及服務，多樣專業及個性化達至藝術級別嘅裝裱都可以讓客人現場體驗。而香港店好快亦會加入此項服務，有與趣將相片裝裱嘅朋友可以一試。

WhiteWall於2017年由Alexander Nieswandt創立，其團隊致力將前沿技術及傳統印刷裝裱方法有機結合。WhiteWall亦曾獲得多個TIPA世界大獎，其中就括2020年嘅「世界最佳影像工坊」，說明佢地嘅能力有幾咁優秀。

其實自從出現數碼攝影後，將相片打印出黎已經變得越黎越少，而將相片進行裝裱就更加少之又少，但並唔代表呢樣野無價值，反觀將相片真實呈現，再加上藝術級嘅映襯，將攝影呢件事提升唔至一個層次。所以話每樣野都有價值，只係在乎你識唔識得欣賞。