大家記唔記得細個嘅時候曾經興過一排彈珠人？想當年每次買《CO-CO！》我第一時期就揭去睇《爆球連發！！超級彈珠人》。不過講真，彈珠人喺香港冇實際地興過，喺日本亦早已興完。但最近瘋魔日本小朋友嘅一款玩具，就令人不其然諗起彈珠人！

同樣由TAKARA TOMY推出，呢一個名為「ボトルマン (Bottle Man)」嘅玩具系列，基本上就係彈珠人嘅穢土轉生版，無論係玩具本身嘅外型，「用力撳個背，有嘢喺個肚到飛出黎」嘅機制、甚至三款玩具各自嘅特色 (力量、準確、連射)都同當年嘅彈珠人如出一轍，唯一嘅分別就係佢唔係「彈珠」而係「彈蓋」咁解。而據日本網上消息，呢個系列於上星期開售後火速賣哂，日本多區都一機難求，甚至有人話佢比《鬼滅》更受歡迎。

わぁ〜凄い！
見事にボトルマン売り切れ！

わざわざ人の少ない地域のデパートまで来たのに売り場がガラガラ！

「今日入ってすぐ売れちゃった感じですか？」って訊いたら

オバちゃん目が泳ぎ続けてたのが気掛かりだけど人気スゲー！（フラゲ販売したな pic.twitter.com/KkZEvVCLs5

— 永遠の蒼 (@sioagisoluto) October 24, 2020

TAKRA TOMY亦為「彈蓋人」出咗短篇動畫，甚至仲有連動Switch嘅電子遊戲，鋪天蓋地嘅攻勢下似乎成有一個唔錯嘅起步。唔知大家又會唔會有興趣買部返黎彈下？