介紹一部好正的輕鬆哲學性「般若波羅蜜」電影，《Palm Springs: 戀愛假期無限LOOP》， 顧名思義就係每日循環不斷重啟同一日，係世界沉重壓抑了無希望的今日，你願意不停重啟同一日嗎？當然唔到你控制，如果正係昨日無限重啟呢？你一起身就見到全民關注美國大選，然後特朗普大幅領先，睇到晚飯發覺全日咩都無做過，就見到一切停滯，然後忽然直線突破，好野可能有新美國總統，就咁垃圾一天你訓醒發現又重新來料？？不過呢套同其他類似戲唔同，你會有人陪，有深愛的人一起享受垃圾或甜蜜的一天，慢慢你唔會再理咩大選唔會再理銀行仲有幾錢......戀愛假期無限LOOP係咪真係咁正？要入場重注歡樂正能量

辛丹斯電影節話題作《Palm Springs: 戀愛假期無限LOOP》（Palm Springs），居然可以係香港上映實屬驚喜，電影以開心爆笑手法，為觀眾注入歡樂正能量之餘，亦和大家一起探索人生與愛情究竟係咩野一回事。2020年，辛丹斯電影節好評如潮愛情喜劇《Palm Springs: 戀愛假期無限LOOP》。由《荒唐分局》（Brooklyn Nine-Nine）金球視帝安迪森堡（Andy Samberg）、《黑鏡》（Black Mirror）姬絲汀美莉奧蒂（Cristin Milioti）、《蜘蛛俠》（Spider-Man）金像男星 J.K. 西蒙斯（J.K. Simmons）齊集美國度假勝地棕櫚泉，成功玩轉「生命日日重來」的舊到喊題材。這部愛情喜劇引來各地電影發行商的搶購潮；勁創該影展有史以來最高成交紀錄之餘，兼且獲權威影評網Rotten Tomatoes 100%* 好評，以及Metacritic的「必睇」(MUST-SEE) 推薦，唔知會唔會係香港成為近期必睇電影呢！

電影網上被評為國際影評「必睇」推薦，「年度最佳浪漫電影之一」！故事係關於吊兒郎當嘅拉奧（安迪森堡　飾）喺婚宴當晚遇見伴娘莎娜（姬絲汀美莉奧蒂　飾），兩人一拍即合，打得火熱嘅時候，拉奧卻突然中箭！兩人匿入山窿保命…點知第二朝擘大眼，時間竟然回到婚宴當日早上！被困於詭異嘅輪迴時空，拉奧盡情享樂，甚至惡搞其他人；莎娜就嘗試逃離，但無論走到幾遠、係生係死，一瞓著，時間就會重來！最後她決定同拉奧一齊活在當下，即使世上只有佢哋先會記得一切。當兩人愈走愈近，一日，拉奧發現莎娜竟然喺呢個凝固時空消失咗，佢亦終於知道莎娜堅持要脫離輪迴時空嘅秘密…故事其實有點周星馳主演《西遊記》精髓，非常值得入場探討反思，不過個人認為香港的《西遊記》才是最好的！

當生活停滯不前，選情生活未來不如人意，每日重啟不再向前會搵到自己嘅人生意義嗎？